पुणे पोर्श अपघात प्रकरणी मोठी अपडेट समोर आली आहे. रक्त बदलासाठी तावरेचा माझ्यावर दबाव होता, असा खळबळजनक खुलासा पोलिसांसमोर करण्यात आलाय. डॉ. श्रीहरी हाळनोर यांनी ही कबुली पुणे पोलिसांसमोर दिली आहे. डॉ. तावरे आणि डॉ श्रीहरी हाळनोर यांना पोलिसांनी ताब्यात घेतलं होतं. सध्या हे दोघेही पोलिस कोठडीमध्ये आहेत. दरम्यान, हळनोर यांनी दिलेल्या कबुलीमुळे आता पुणे अपघात प्रकरणी डॉ. तावरेंच्या अडचणी वाढण्याची शक्यता आहे. अल्पवयीन मुलाच्या ब्लड सॅम्पलची फेरफार झाल्याचं समोर आल्यानंतर पोलिसांनी ससूनच्या डॉक्टरांना ताब्यात घेतलं होतं. त्यानंतर आता पोलिसांच्या चौकशीतून नवा खुलासा समोर आल्यामुळे पुणे पोर्शे अपघात प्रकरणी आरोपीला वाचवण्याचा प्रयत्न होत होता का? यावरुन चर्चांना उधाण आलंय. तसंच या संपूर्ण प्रकारावरुन राजकारणही तापलंय.