Pune Shivshahi Bus case : शिवशाही बसमधील बलात्कार प्रकरणातील आरोपी दत्तात्रय गाडे याला बेड्या कधी ठोकणार? असा सवाल उपस्थित झाला आहे. ४८ तासानंतरही आरोपीला पकडण्यात पुणे पोलिसांना यश आलेले नाही. दत्ता गाडे याच्या मागावर पुणे पोलिसांच्या १३ तुकड्या आहेत, पण त्या सर्वांना गाडे गुंगारा देत आहे. त्यामुळे पुणे पोलिसांवर टीकेची झोड उडवण्यात आली आहे.

पुणे पोलिसांनी दत्ता गाडे याला पकडून देणाऱ्याला एक लाख रूपयांचे बक्षीस जाहीर केले आहे. पुणे पोलिसांकडून आरोपीचा शोध घेण्यात येत आहे, पण तो गुंगारा देत असल्याचे समोर आले आहे. पुणे पोलिसांकडून आरोपी दत्ता गाडे याचा फोन ट्रेस करण्यात येत आहे. त्याशिवाय त्याच्या जवळच्या व्यक्तींची कसून चौकशीही करण्यात येत आहे.