उत्तर पुणे जिल्ह्यातील शेती आणि शेतीच्या अर्थकारणाला चालना देणाऱ्या आंबेगावतील भिमाशंकर सहकारी साखर कारखान्याला सर्वोत्कृष्ट कारखाना अशा पुरस्काराने सन्मानित केलं जाणार आहे. गेल्या २५ वर्षांपासून शेतकऱ्यांचं अर्थकारण चालणाऱ्या या कारखान्याला सहाव्यांदा पुरस्कार मिळत आहे. भीमाशंकर सहकारी साखर कारखान्यााला देशपातळीवर देण्यात येणारा सर्वोत्कष्ट साखर कारखाना पुरस्कार सहाव्यांदा मिळत आहे, त्यामुळे आनंद आहे. कारखान्याच्या २५ वर्षाच्या प्रवासात २७ पुरस्कार कारखान्याला मिळालेत. त्यातून देश पातळीवरील १३ आणि राज्य पातळीवरील १४ पुरस्कार या कारखान्याला मिळालेत. कारखान्याचं अर्थकारण चांगलं चालवण्यासाठी कारखान चांगला चालवावा लागतो. नियमित शेतकऱ्यांचे बील देणं, गाळप करणं,ऊस उत्पादकता, तांत्रिक गुणवत्ता, वित्तीय व्यवस्थापन, अधिकत्मक गाळप करणं, या सगळ्या गोष्टी भिमाशंकर सहकारी कारखान्याने प्रामुख्याने व्यवस्थितरित्या केल्या आहेत. त्यामुळे या कारखान्याचं अर्थकारण चांगल आहे, अशी माहिती कारखान्याचे चेअरमन यांनी दिली.