पुणेकरांसाठी दिलासा देणारी बातमी आहे. शहराचा सतत वाढता विस्तार आणि लोकसंख्येमुळे नागरिकांच्या सुरक्षेची गरज लक्षात पुणे शहर पोलिस दलात लवकरच मोठ्या प्रमाणावर भरती होणार आहे. नुकतीच शहरात नवीन पाच पोलिस ठाण्यांच्या निर्मितीस नुकतीच मंजुरी मिळाली आहे. त्यामुळे तब्बल १,७२० पोलिस पदांची भरती करण्याचा प्रस्ताव तयार करण्यात आला असून, मुख्यमंत्र्यांच्या अध्यक्षतेखालील उच्चाधिकार समितीकडून लवकरच अंतिम शिक्कामोर्तब होणार आहे. मागील काही वर्षातील ही सर्वात मोठी मेगा भरती ठरणार आहे. या भरतीमुळे पोलिस दलाची ताकद वाढेल तसेच गुन्हेगारी नियंत्रण आणि नागरिकांच्या सुरक्षेत अधिक कार्यक्षमतेने काम करता येईल.