पुण्यातून एक धक्कादायक बातमी समोर आली आहे. १५ ऑगस्टच्या सुट्टीच्या निमित्ताने पुण्यातील किल्ले सिंहगडावर पर्यटकांची मोठी गर्दी झाली होती. याचदरम्यान अचानक दोन गटांमध्ये तुंबळ हाणामारी झाली. काही तरुणांचे कपडे फाटले, तर काहींनी एकमेकांना लाथा-बुक्क्यांनी मारहाण केली. एवढेच नव्हे, तर काहींनी हातात दगड-गोटे घेऊन एकमेकांवर हल्ला केला. हाणामारी नेमकी कोणत्या कारणातून सुरू झाली, हे अद्याप स्पष्ट झालेले नाही. या घटनेत अनेक जण जखमी झाल्याची माहिती आहे. घटनेचा व्हिडिओ सोशल मीडियावर व्हायरल झाला असून, हवेली पोलीस अधिक तपास करत आहेत.