Pune News : सोशल मीडियावर प्रसिद्धी मिळवण्यासाठी लोक काहीही करायला तयार असतात. काहीजण नाचून, तर काहीजण गाणी गाऊन लाइक्स मिळवायचा प्रयत्न करत असतात. सोशल मीडियावरील प्रसिद्धीसाठी काहीजण स्टंट करत स्वत:चा जीव धोक्यात घालतात. पुण्यात स्टंटबाजी करणारी तरुणी चर्चेत आहे. या तरुणीचे नाव माधवी कुंभार असे आहे. ती पुण्यातील हडपसर परिसरात राहते. तिने नवा व्हिडीओ इन्स्टाग्रामवर पोस्ट केला आहे. यात ती पुन्हा एकदा बुलेटवर स्टंटबाजी करताना दिसते आहे. बॉलिवूडच्या एका गाण्यावर बुलेटवर उभी राहत तिने स्टंट केला आहे. लाइक्स, फॉलोवर्स मिळवण्यासाठी तिने स्वत:सह इतरांचा जीव धोक्यात घातला आहे. या व्हिडीओमुळे तिच्यावर कारवाई केली जाईल असे म्हटले जात आहे.