पुणे महापालिका निवडणुकीसंदर्भात एक महत्त्वाचा निर्णय घेण्यात आला आहे. २०२५ मध्ये होणाऱ्या महापालिका निवडणुकीसाठी ही चार सदस्यीय प्रभाग रचना कायम ठेवण्याचा निर्णय घेण्यात आला आहे. महापालिका प्रशासनाकडून याबाबतचे नियोजन अंतिम टप्प्यात असून, लवकरच यासंदर्भातील अधिकृत घोषणा करण्यात येणार असल्याची माहिती सूत्रांकडून समोर आली आहे.गेल्या निवडणुकीत चार-सदस्यीय प्रभाग रचना लागू करण्यात आली होती. या पद्धतीमुळे काही राजकीय पक्षांनी विरोध व्यक्त केला होता, तर काहींनी याला पाठिंबा दिला होता. मात्र प्रशासनाने सध्याची रचना पुढील निवडणुकीसाठीही योग्य असल्याचे मान्य करत ती कायम ठेवण्याचा निर्णय घेतला आहे.