अक्षय बडवे, साम टिव्ही | पुणे

विजयादशमीच्या निमित्ताने पुण्यातील मार्केटयार्ड फुलबाजारात झेंडूच्या फुलांची मोठी खरेदी होत आहे. आनंद आणि उत्साहाचे प्रतीक मानल्या जाणाऱ्या झेंडूच्या फुलांसाठी नागरिकांनी पहाटेपासूनच गर्दी केली आहे. केशरी आणि पिवळ्या झेंडूच्या फुलांच्या किंमती ७० ते १०० रुपये प्रति किलोपर्यंत पोहोचल्या आहेत. राज्यात झालेल्या पावसामुळे झेंडूच्या पिकांना फटका बसला असून आवक कमी झाली आहे. त्यामुळे नैसर्गिकरीत्या झेंडूच्या दरांमध्ये वाढ झाल्याचं व्यापाऱ्यांचं म्हणणं आहे. तरीसुद्धा दसऱ्याच्या सणासाठी झेंडूची मागणी प्रचंड असल्याने खरेदीत कोणतीही घट दिसून येत नाही. बाजारपेठेत उत्सवी वातावरण निर्माण झालं असून नागरिकांकडून झेंडूच्या माळा आणि फुलांच्या खरेदीला विशेष प्रतिसाद मिळत असून, मार्केट यार्ड मध्ये पहाटेपासून मोठी गर्दी पाहायला मिळते आहे.