पुण्यात हिट अँड रनच्या घटनांचं सत्र सुरुच आहे. आता कोरेगाव पार्क परिसरात भरधाव आलिशान कारनं बाइकस्वारांना उडवल्याची घटना घडली. या घटनेचे सीसीटीव्ही फुटेज समोर आले आहे. या घटनेत एकाचा मृत्यू झाला आहे. कारचालक दारूच्या नशेत असल्याचा प्राथमिक अंदाज व्यक्त करण्यात येत आहे.

अपघात घडल्यानंतर चालक कार घेऊन पळून गेला. काही वेळाने पोलिसांनी त्याला बेड्या ठोकल्या आहेत. ''पहाटे १ ते २ च्या दरम्यान हा अपघात घडला. मुंढवा पोलीस ठाण्याच्या हद्दीत दुचाकीला कारने उडवल्याचे आम्हाला समजले. घटनास्थळी पोहोचल्यानंतर दुचाकीवरील तरुणांना रुग्णालयात दाखल करण्यात आले. उपचारादरम्यान एकाचा मृत्यू झाला. सर्व पुरावे शोधून कारचालकाला ताब्यात घेतले आहे, अशी माहिती पोलिसांनी दिली.