पुण्याला पाणीपुरवठा करणाऱ्या धरण परिसरात पावसाचा जोर वाढला आहे. शहराला पाणी पुरवठा करणाऱ्या खडकवासला प्रकल्पातील चार धड्यांच्या क्षेत्रात दोन दिवसापासून चांगला पाऊस होतोय. त्यामुळे सद्यस्थिती खडकवासाच्या प्रकल्पात ५.२० टीएमसी इतका पाणीसाठा आहे. तर गेल्या वर्षी या दरम्यान धरणात ३.९३ टीएमसी इतका पाणीसाठा होता.

संध्याकाळपर्यंत वादळी वाऱ्यासह जोरदार पावसाने पुणे शहराला झोडपून काढले. मुंढवा, खराडी, हडपसर, फुरसुंगी, कोंढवा, कात्रज, सिंहगड रस्ता, कोथरूड, बावधन, औंध, बोपोडी, पाषाण या भागांमध्ये विजेच्या कडकडाटासह पाऊस झाला. पावसाळ्यापूर्वी सफाइची कामं झाली नसल्यानं अनेक ठिकाणी पाणी साचून राहिलं. रस्ते जलमय झाल्याने वाहतूक कोंडी झाली आणि नागरिकांची मोठी तारांबळ उडाली. अनेक वाहनचालक पाण्यात अडकले तर काही वाहनं बंद पडली आहेत.