पुण्यातल्या अलका चौका जवळ डीजे लाऊन गर्दी करणाऱ्या मंडळाच्या कार्यकर्त्यांना पोलिसांनी चोप दिला आहे. पुण्यातल्या विसर्जन मिरवणूका दुसऱ्यादिवशी देखील सुरूच आहे. गणपती विसर्जनाचा जल्लोष भविकांमध्ये बघायला मिळत आहे.

पुण्यातल्या अलका चौकाच्या पुढे एका मंडळाने डीजे लाऊन रस्ता अडवला होता. त्यामुळे मागून येणाऱ्या गणेश मंडळांची गर्दी रस्त्यात झाली. वारंवार सांगून देखील मंडळाचे कार्यकर्ते पुढे सरकत नसल्याने पोलिसांनी या कार्यकर्त्याना चांगलाच चोप दिला आहे. त्यानंतर परिसरात काही काळ तणावाची परिस्थिती निर्माण झाली होती. मात्र पुणे पोलिस दलाच्या वरिष्ठ अधिकाऱ्यांनी येथे येत वाद मिटवल्यानंतर परिस्थिती नियंत्रणात आली आहे. मात्र यात डीजे लाऊन रस्ता अडवणाऱ्या कार्यकर्त्यांना पोलिसांनी चांगलाच प्रसाद दिला आहे.