पुण्यात दिवसाढवळ्या बंदुकीचा धाक दाखवून दहशत माजवण्याचा प्रयत्न झाला आहे. या संदर्भातला एक व्हिडिओ सध्या व्हायरल होत आहे. त्यामुळे पुण्यातील कायदा सुव्यवस्थेवर प्रश्नचिन्ह उपस्थित होत आहे.

पुण्यात गुन्हेगारी फोफावत असून कधी गोळीबार, कधी बंदुकीच्या धाकावर लूटमार अशा घटना सातत्याने घडत आहेत. त्यातच आता पुण्यात भरदिवसा रस्त्यावर दुचाकीस्वारांकडून बंदुकीचा धाक दाखवून दहशत माजवण्याचा प्रयत्न केला गेला आहे. या घटनेचा व्हिडिओ सध्या व्हायरल होत आहे. वडगाव ब्रिज ते नवले ब्रिज दरम्यानचा हा व्हिडिओ असल्याचं सांगण्यात येत आहे. त्यामुळे पुण्यात पोलीसांचा धाक उरला आहे की नाही? असा सवाल उपस्थित होत आहे.

Edited By Rakhi Rajput