काँग्रेस नेते राहुल गांधींच्या दौऱ्याआधी पुण्यातील वातावरण तापलंय. काँग्रेस आणि अखिल विद्यार्थी परिषदेचे कार्यकर्त्यांमध्ये राडा झालाय. पुण्यातील सीओईपी कॉलेजच्या हॉस्टेलमध्ये अखिल भारतीय विद्यार्थी परिषद आणि एनएस युआयच्या कार्यकर्त्यांमध्ये बाचाबाची झाली. उद्या शनिवारी छात्रों की गुंज कार्यक्रम या ठिकाणी होणार आहे. त्या कार्यक्रमावरून काँग्रेस आणि अखिल भारतीय विद्यार्थी परिषद यांचे कार्यकर्त्यांमध्ये वादावादी झालीय. लोकसभेचे विरोधी पक्षनेते राहुल गांधी हे उद्या पुणे दौऱ्यावर येणार आहेत. पुण्यातील सीओईपी कॉलेजमध्ये ‘छात्रों की गूंज’ हा कार्यक्रम होणार आहे. त्यापार्श्वभूमीवर काँग्रेस नेत्यांकडून कार्यक्रमाची तयारी सुरू आहे. मात्र त्यावरून पुण्यातील राजकीय वातावरण तापलंय.