Congress claims BJP altered municipal voter rolls : पुण्यात महापालिका निवडणुकीच्या पार्श्वभूमीवर महाविकास आघाडीने भाजपवर गंभीर आरोपांची मालिकाच सुरू केलीय. भवानी पेठ येथील महानगरपालिकेच्या क्षेत्रीय कार्यालयात भाजप कार्यकर्ते बंद खोलीत तब्बल ४.३० तास बसून मतदार याद्यांमध्ये फेरफार करत असल्याचे काँग्रेस नेते संजय बालगुडे यांनी पत्रकार परिषदेत सांगितले आणि याचे पुरावे सुद्धा दिले. महाविकास आघाडीने सीसीटीव्ही फुटेजदेखील पत्रकार परिषदेत दाखवत भाजपावर आरोप केले. प्रारूप मतदार याद्या जाहीर होण्याच्या २० दिवस आधीपासूनच हा प्रकार सुरू होता, तसेच याद्या ठेवलेल्या खोल्या बंद करून त्या चाळणे व बदल करणे असे प्रकार अनेक क्षेत्रीय कार्यालयांमध्ये झाले असल्याचा आरोप सुद्धा यावेळी करण्यात आला. मतदार याद्यांमध्ये मोठा घोळ झाल्याचा आरोप करत आघाडीने निवडणूक प्रक्रियेवर प्रश्नचिन्ह उपस्थित केले आहे.