पुण्यातील भिडे पूल आजपासून वाहतुकीसाठी पुन्हा बंद करण्यात आला आहे. पुणे मेट्रो प्रकल्पांतर्गत पादचारी मार्गाचे बांधकाम सुरू असल्याने हे काम गतीमान करण्यासाठी पूल काही दिवस वाहतुकीसाठी बंद ठेवण्यात आला आहे.नदीपात्रातून प्रवास करणाऱ्या वाहनचालकांना आता पर्यायी मार्गांचा वापर करावा लागणार आहे. गणेशोत्सव काळात वाढलेली गर्दी लक्षात घेऊन पुलावरील काम थांबवून तो तात्पुरता प्रवाशांसाठी खुला करण्यात आला होता. मात्र, आता काम पुन्हा सुरू झाल्याने वाहनधारक आणि पादचाऱ्यांना पर्यायी मार्गांचा वापर करावा लागणार आहे. प्रशासनाने नागरिकांना संभाजी पूल आणि महर्षी विठ्ठल रामजी शिंदे पूल वापरण्याचे आवाहन केले आहे. भिडे पूल बंद झाल्यामुळे डेक्कन आणि आसपासच्या परिसरात वाहतूक कोंडी होण्याची शक्यता आहे.