Minister Kiren Rijiju Introduces Waqf Amendment Bill : मंत्री किरण रिजिजू यांनी संसदेत वक्फ सुधारणा विधेयक मांडले. त्यावेळी संसेदत गोंधळ झाला, विरोधक आक्रमक झाले होते. पण पुण्यातही वक्फ विधेयेकाच्या विरोधात आंदोलन झाले. पुणे ⁠जिल्हाधिकारी कार्यालयासमोर विविध मुस्लिम संघटना आणि पक्षांकडून आंदोलन करण्यात आले. ⁠नवीन वक्फ विधेयक राज्य घटनेला धरून नसल्याचा दावा त्यांनी केलाय.

⁠वक्फचा अर्थ म्हणजे दान होतो. त्यात खरेदी विक्री होत नाही. त्यामुळे इतर धर्मियांना वक्फ जमिनीचा व्यवहार करण्याचा आधिकार देऊ नये. ⁠सरकारकडून हे विधेयक आणून वाद निर्माण करण्याचा प्रयत्न केला जात असल्याचा आरोप यावेळी मुस्लिम संघटनेने केला.

वक्फ बोर्ड हे कायद्याच्या वर जात होते, त्यामुळे सुधारणा विधेयक आणावे लागले. आम्ही वक्फ सुधारणा विधेयक आणले नसते तर यांनी संसदेवरही ताबा मिळवला असता. दिल्लीमधील अनेक इमारतीवर वक्फ बोर्डाने ताबा घेतलाय, असे अल्पसंख्याक मंत्री किरण रिजिजू म्हणाले. केंद्रीय मंत्री किरण रिजिजू यांनी संसदेत वक्फ सुधारणा विधेयक मांडले. त्यानंतर संसदेत गोंधळ झाला.