सध्या आगामी विधानसभेच्या पार्श्वभूमीवर राज ठाकरेंनी स्वबळाचा नारा दिला आहे. त्यासाठी त्यांनी महाराष्ट्र दौरा सुरु केलाय. दरम्यान मनसे अध्यक्ष आज धाराशिव दौऱ्यावर होते. यावेळी आंदोलकांना राज ठाकरेंनी भेट न दिल्याने आंदोलक आक्रमक झाले, आणि थेट राज ठाकरेंच्या हॉटेलमध्येच शिरले. मोठ्या प्रमाणात आंदोलक आक्रमक झाले आहेत. आरक्षणाच्या मुद्द्यावरुन मराठा आंदोलकांनी राज ठाकरेंची भेट मागितली होती, दरम्यान भेट न दिल्याने मराठा आंदोलकांनी थेट राज ठाकरेंनी ज्या हॉटेलमध्ये मुक्काम ठेवला होता, त्या ठिकाणी धडक दिली. आणि हॉटेलमध्ये सर्वच गोंधळ उडाला.