हिंगोलीत जीवघेणा हल्ला प्रकरणात पोलीस तपास करत नसल्याचा आरोप करत सामाजिक कार्यकर्त्यांनी पोलीस अधीक्षकांच्या घरापुढे कुटुंबासह आंदोलन सुरू केले आहे. यावेळी पोलिसांनी सामाजिक कार्यकर्ते विजय राऊत यांना अटक करण्याचा प्रयत्न केला यावेळी प्रचंड राडा झाला आहे. मागील वर्षभरात विजय राऊत यांच्यावर तीन वेळा जीवघेणा हल्ला झाला आहे यामध्ये त्यांच्या हाता व पायाला फ्रॅक्चर देखील झालं होतं. या प्रकरणात हिंगोली ग्रामीण पोलीस स्थानकात गुन्हा दाखल करण्यात आला आहे मात्र पोलिसांना या गुन्ह्याचा अद्याप पर्यंत तपास लावता आला नसल्याने विजय राऊत यांनी पोलिसांच्या विरोधात तीव्र संताप करत आपल्या वयोवृद्ध आई-वडिलांसह लहान चिमुकल्यांना घेऊन हिंगोलीचे पोलीस अधीक्षक श्रीकृष्ण कोकाटे यांच्या घराच्या पुढे उपोषण सुरू केले आहे. दरम्यान या प्रकारामुळे पोलीस अधीक्षकांच्या निवासस्थानाबाहेर मोठी गर्दी झाली आहे.