Prashant Koratkar In Dubai : गेल्या काही दिवसांपासून फरार प्रशांत कोरटकर दुबईला पळून गेल्याची जोरदार चर्चा आहे. कोरटकर कोलकातामार्गे दुबईला गेल्याचं बोललं जात आहे. कोरटकरचा दुबईतला फोटो सोशल मीडियावर व्हायरल झाला आहे. शिवरायांबद्दल अक्षेपार्ह वक्तव्य करणाऱ्या कोरटकरला मुंबई हायकोर्टाकडून दिलासा मिळाला नाही.त्याच्या अटकपूर्व जामीन अर्जावर सोमवारी सुनावणी होणार आहे. त्यामुळे तो दुबईत पळून गेल्याची माहिती समोर आली आहे.

मुंबई हायकोर्टात दिलासा न मिळाल्याने प्रशांत कोरटकर दुबई पळून गेल्याची चर्चा सुरू झाली आहे. विश्वसनीय सूत्रांनी दिलेल्या माहितीनुसार कोरटकर हा कोलकाता मार्गे दुबई गेला असावा. दुबईमधील प्रशांत कोरटकर याचा एक फोटो व्हायरल होत आहे. प्रशांत कोरटकरपण पोलिसांना सापडत नसल्याने पोलिसांच्या कार्यप्रणालीवर प्रश्नचिन्ह निर्माण झाले आहे.

इतिहास अभ्यासक इंद्रजित सावंत यांना जिवे मारण्याची धमकी आणि छत्रपती शिवाजी महाराज, संभाजी महाराज यांच्या बद्दल आक्षेपार्ह भाषेचा वापर केल्याप्रकरणी कोल्हापूरमध्ये कोरटकर विरोधात गुन्हा दाखल करण्यात आला आहे. यासंदर्भात जमीन मिळावा म्हणून मुंबई उच्च न्यायालयात कोरटकरने धाव घेतली असून यासंदर्भात सुनावणी सोमवारी होणार आहे.