मुख्यमंत्री देवेंद्र फडणवीस यांनी काल विधानसभेत जनसुरक्षा विधेयक सादर केले होते. हे विधेयक सादर केल्यानंतर यावर विधानसभेत चर्चा झाली. चर्चेनंतर ते विधानपरिषदेत आज सादर केले असता मोठा गदारोळ झाला. या विधेयकाला विरोधकांकडून विरोध होता. अशातच भाजप आमदार प्रसाद लाड आणि विधानपरिषदेचे विरोधीपक्ष नेते अंबादास दानवे यांच्यामध्ये खडाजंगी पाहायला मिळाली. प्रसाद लाड यांनी थेट शिवसेना प्रमुख बाळासाहेब ठाकरेंची शपथ घेतली. यावेळी अंबादास दानवे हे आक्रमक झाल्याचे दिसून आले. या विधेयकाला विरोधकांनी विरोध केला आणि मोठा गदारोळ झाल्यामुळे विधानपरिषदेच्या सभापती नीलम गोऱ्हे यांनी काही वेळासाठी कामकाज तहकूब केले.