वंचित बहुजन आघाडीचे नेते प्रकाश आंबेडकर आज मोठी घोषणा करण्याची शक्यता आहे. थोड्याच वेळात ते पत्रकार परिषद घेऊन त्यात घोषणा करण्याची शक्यता आहे. प्रकाश आंबेडकरांनी एक्सवर एक टीझर पोस्ट केला आहे. छत्रपती संभाजीनगरमध्ये होणाऱ्या पत्रकार परिषदेत एक मोठी घोषणा करणार आहे, असं त्यांनी त्या पोस्टमध्ये म्हटलं आहे. त्यामुळं राजकीय वर्तुळात तर्कवितर्कांना उधाण आलं आहे.

गेल्या काही दिवसांपासून राज्यात तिसऱ्या आघाडीची चर्चा सुरू आहे. आगामी विधानसभा निवडणुकांच्या अनुषंगानं ते नेमके आता काय घोषणा करणार, याबाबत उत्सुकता आहे.