लोकसभा निवडणुकीनंतर एकनाथ शिंदे आणि उद्धव ठाकरे एकत्र येऊ शकतात, असं सूचक विधान प्रकाश आंबेडकर यांनी केलंय. ते उल्हासनगर येथील सभेत बोलत होते. दोन्ही शिवसेना लोकसभा निवडणुकीनंतर एकत्र आल्या तर आश्चर्य वाटून घेऊ नका, अशी परिस्थिती आहे, असं वक्तव्य प्रकाश आंबेडकर यांनी प्रचारसभेत बोलताना केलंय. त्यांच्या या वक्तव्यानं राजकीय वर्तुळातच चर्चांना उधाण आलंय. लोकसभा निवडणुकांच्या पाचव्या टप्प्याचा प्रचार जोरात सुरु आहेत. याच पार्श्वभूमीवर घेण्यात आलेल्या प्रचार सभेत बोलताना प्रकाश आंबेडकर यांनी मोठं विधान केलंय.