सुनेत्रा पवारांच्या राष्ट्रवादी काँग्रेसमधील अंतर्गत वाद चव्हाट्यावर आला आहे. पक्षातील घटनेत बदल करून कार्याध्यक्षांना अधिकार देण्याच्या मुद्द्यावरून राष्ट्रवादीत दोन गट पडल्याचे समोर आलंय. याच पार्श्वभूमीवर सुनेत्रा पवार यांनी २८ जानेवारीनंतर झालेला पक्षाचा कुठलाही पत्रव्यवहार वैध धरू नये,अशी विनंती केली होती. घटना बदलावरून प्रफुल्ल पटेल आणि सुनील तटकरे यांनी सुनेत्रा पवार यांची भेट घेऊन स्पष्टीकरण देण्याचा प्रयत्न केल्याचं सांगण्यात येत आहे. मात्र खुलाशानंतरही उपमुख्यमंत्री सुनेत्रा पवार आणि पार्थ पवार यावर असमाधानी असल्याचे समजतंय. निवडणूक आयोगाला दिलेल्या पत्रावरून निर्माण झालेला हा वाद मिटवण्यासाठी दिग्गज नेत्यांच्या बैठका सुरू आहेत. यामुळे पक्षात सध्या राजकीय नाट्य रंगलं आहे.