ठाणे आणि नाशिकला जोडणाऱ्या रस्त्यावर खड्ड्यांचे साम्राज्य निर्माण झा्ले आहे. खारेगाव टोल नाका या ठिकाणी रस्त्यांवर मोठे खड्डे निर्माण झाले असून वाहन चालकांना वाहन चालवताना तारेवरची कसरत करावी लागत आहे. एकीकडे शासनाचा ठाण्याच्या दिशेने समृध्दी महामार्ग जोडण्याचं काम सूरू आहे. तर दुसरीकडे या खड्ड्यांमुळे वाहनधारक आणि नागरिक यांना वाहतूकोंडीला समोरे जावे लागत आहे. रस्त्यावरुन प्रवास करणे देखील मुश्किल झाले आहे. खारेगाव ते अंनजुर या रस्त्यांवर पडलेल्या खड्ड्यांमुळे वाहनधारकांकडून नाराजी व्यकत केली जात आहे.