वादग्रस्त प्रशिक्षणार्थी IAS अधिकारी पूजा खेडकरांचे दररोज नवनवे कारनामे समोर येत आहेत. त्यातच आता खेडकर कुटुंबीय पोलिस महासंचालक रश्मी शुक्ला आणि इन्कम टॅक्सच्या रडारवर आलंय. तर दुसरीकडे राज्य सरकारच्या अहवालानंतर लाल बहादूर शास्त्री राष्ट्रीय प्रशिक्षण अकादमीने पूजा खेडकरांच्या प्रशिक्षणाला ब्रेक लावला आहे. 22 कोटींची मालकीण असतानाही ओबीसीतून नॉन क्रिमीलेअर प्रकरणाची चौकशी होणार आहे. पूजा खेडकर यांनी वेगवेगळ्या ठिकाणी दिव्यांग असल्याचे वेगवेगळे प्रमाणपत्रं सादर केले होता. खेडकरांनी नाव बदलून 11 वेळा UPSCची परीक्षा दिली होती. तसेच खेडकर कुटुंबीयांचं उत्पन्न शोधण्यासाठी इन्कम टॅक्सही सरसावलं आहे. आणि पूजा खेडकरांच्या वडिलांचे आयकर रेकॉर्ड तपासले जाणार आहेत.