वैद्यकीय कक्षावरून महायुतीचं 'आरोग्य' बिघडलं असतानाच, आता सुरक्षेतील कपातीवरून महायुती 'सलाइन'वर असल्याचं चित्र निर्माण झाल्याचं बोललं जात आहे. राज्यातील ज्या मंत्री आणि आमदारांच्या जीवाला धोका नाही त्यांची सुरक्षा कमी करण्याचा निर्णय मुख्यमंत्री देवेंद्र फडणवीस यांनी घेतल्याचं सांगण्यात येत आहे. वाय प्लस सुरक्षा असलेल्या मंत्र्यांना वाय दर्जाची सुरक्षा देण्याचा निर्णय घेतला असून, काही आमदारांची सुरक्षाच काढून घेतली जाणार आहे. भाजप, शिवसेना आणि राष्ट्रवादी काँग्रेसच्या आमदारांच्या सुरक्षेत कपात केली आहे. सुरक्षेत कपात केल्याने शिंदे यांच्या शिवसेना आमदारांनी नाराजी व्यक्त केल्याचं सूत्रांकडून कळते.

कोणकोणत्या मुद्द्यांवरून भाजप-शिवसेनेत शीतयुद्ध?

एसटी महामंडळ अध्यक्षपदी परिवहन सचिवांची नेमणूक केली.

परिवहन मंत्री प्रताप सरनाईक नाराज झाल्याची चर्चा

एकनाथ शिंदेंच्या ठाण्यात जनता दरबार घेण्याची घोषणा मंत्री गणेश नाईक यांनी केली.

आपत्ती व्यवस्थापन समितीत देवेंद्र फडणवीस आणि अजित पवार, मात्र, एकनाथ शिंदेंचा समावेश नव्हता. त्यानंतर शिंदेंसाठी नियमांत बदल करण्यात आला.

परस्पर निर्णयांबाबत उद्योग खात्यातील अधिकाऱ्यांवर उद्योग मंत्री उदय सामंत यांनी नाराजी व्यक्त केली होती.

मला हलक्यात घेऊ नका असा इशारा एकनाथ शिंदेंनी दिला होता. पण त्यानंतर शिंदेंनी उद्धव ठाकरेंना इशारा दिल्याचं स्पष्टीकरण भाजपकडून देण्यात आलं होतं.

मुख्यमंत्री वैद्यकीय मदत कक्ष असताना शिंदेंकडून स्वतंत्र वैद्यकीय मदत कक्षाची घोषणा करण्यात आली.