Thane Political News : ठाण्यातील महापालिका निवडणुका नुकत्याच पार पडल्या आहेत. मात्र, काही महिन्यांतच पालिका राजकारणात खळबळ उडवून देणारं वृत्त धडकलं आहे. एकनाथ शिंदेंच्या शिवसेनेच्या ९ नगरसेवकांवर अपात्रतेची टांगती तलवार आहे. निवडणुकीसाठी सादर केलेल्या प्रतिज्ञापत्रात मालमत्ता आणि आर्थिक बाबींची चुकीची तसेच दिशाभूल करणारी माहिती सादर केल्याचा गंभीर आरोप करण्यात आला आहे. या प्रकरणी न्यायालयात इलेक्शन रिट पिटिशन दाखल करण्यात आल्याची माहिती अॅड. रोहिदास मुंडे यांनी दिली. (petition filed against 9 thane corporators) तसेच अनधिकृत बांधकामे लपवल्याचा मुद्दाही ऐरणीवर आला आहे.

या प्रकरणात रमाकांत मढवी, शैलेश पाटील, आदेश भगत, दीपक जाधव, साक्षी मढवी, दर्शना म्हात्रे, अर्चना पाटील, दिपाली भगत आणि स्नेहा पाटील या नगरसेवकांविरोधात न्यायालयात याचिका दाखल करण्यात आली आहे. हे प्रकरण न्यायप्रविष्ट असल्याचे महापौर शर्मिला गायकवाड यांनी सांगितले.