पोलीस भरती संदर्भात मोठी बातमी समोर येत आहे. राज्यभरात उद्यापासून पोलीस भरतीला सुरुवात होत आहे. राज्यातील कोल्हापुर, पुणे, रायगड आणि बीड या भागामध्ये ही मेगाभरती होणार असून पोलीस शिपाई, चालक, सशस्त्र पोलीस शिपाई, तुरुंग विभाग शिपाई या पदांसाठी ही भरती असणार आहे. मुंबईसह राज्य पोलीसदलामध्ये 17471 पदांसाठी भरती होणार आहे. 17 हजार पदांसाठी राज्यभरातुन तब्बल 17 लाख उमेदवारांनी अर्ज भरला असल्याची माहिती समोर येत आहे. पोलीस भरतीची मैदानी चाचणी उद्यापासुन सुरु होणार असून यामध्ये कॉपी, डमी यांसारखा गैरप्रकार आढळल्यास कठोर कारवाईचा इशारा प्रशासनाकडून देण्यात आला आहे.