पंतप्रधान नरेंद्र मोदी आज महाराष्ट्र दौऱ्यावर आहेत. यावेळी ते वर्ध्यात 'पीएम विश्वकर्मा' कार्यक्रमात सहभागी होणार आहेत. त्याच वेळी पंतप्रधान मोदी आचार्य चाणक्य कौशल विकास योजना आणि पुण्यश्लोक अहिल्याबाई होळकर महिला स्टार्ट-अप योजना देखील लाँच करणार आहेत.

शुक्रवारी होणाऱ्या या कार्यक्रमासाठी पंतप्रधान नरेंद्र मोदी हे सध्या वर्ध्यात दाखल झाले आहेत. यावेळी मुख्यमंत्री एकनाथ शिंदे, दोन्ही उपमुख्यमंत्री यावेळी उपस्थित आहे. विविध विकासकामांचं भूमिपूजन आज वर्ध्यात करण्यात येणार आहे. दरम्यान, वर्ध्यात या दौऱ्याच्या पार्श्वभूमीवर मोठी सुरक्षाव्यवस्था तैनात करण्यात आली आहे. पोलिसांचा मोठा बंदोबस्त ठेवण्यात आला आहे. 'पीएम विश्वकर्मा' मेळाव्याला पंतप्रधान मोदी यावेळी संबोधित करणार आहेत. एकीकडे विधानसभा निवडणुका येऊ घातल्या आहेत. त्यातच पंतप्रधान मोदींचा हा दौरा होत असून ते नेमक या मेळाव्यात काय बोलणार याकडे सगळ्यांचं लक्ष लागलं आहे.