दिल्लीत मोठ्या प्रमाणात ड्रग्ज पकडले गेलं आहे. आता या प्रकरणाच्या तपासात या ड्रग्ज रॅकेटचा मुख्य सुत्रधार हा काँग्रेसचा नेता असल्याचं समजलं आहे. कॉंग्रेस देशातील तरूणांचं भविष्य खराब करत आहे, असा आरोप पंतप्रधान मोदींनी केला आहे. त्यामुळे आपण सर्वांनी एक राहण्याची आवश्यकता असल्याचं देखील मोदींनी म्हटलं आहे. बंजारा समाजाचे श्रद्धास्थान असलेल्या पोहरादेवी येथे इतिहास, परंपरा, संस्कृतीचे दर्शन घडवणाऱ्या विरासत - ए - बंजारा नगारा वस्तुसंग्रहालयाचे लोकार्पण करण्यासाठी आज पंतप्रधान नरेंद्र मोदी पोहरादेवी येथे आले आहेत. यावेळी बोलताना त्यांनी कॉंग्रेस आणि महाविकास आघाडी सरकारवर टीका केली.

काँग्रेसचा परिवार दलित, पिडीतांना इंग्रजी हुकुमशांप्रमाणेच आपल्या बरोबरीचे मानत नसल्याचा आरोप यावेळी मोदींनी केला. त्यामुळे स्वातंत्र्यांच्या इतक्या वर्षानंतरही हा समाज अजूनही मागे असल्याचं त्यांनी म्हंटल आहे. अशा समाजासाठी मोदी सरकारने घेतलेल्या निर्णयांची माहिती त्यांनी दिली. पोहरादेवी येथील कामावरुन मोदींनी महाविकास आघाडी सरकावर देखील टीका केली. अर्बन नक्षलवादी काँग्रेसला चालवत असल्याचा आरोपही त्यांनी केला. त्यामुळे काँग्रेसपासून नागरिकांनी सावध राहण्याचं आवाहन मोदींनी केलं आहे.