संसदभवना बाहेरची परिस्थिती एकंदरीतच गृहमंत्री अमित शाह यांच्या वक्तव्यानंतर चिघळलेली बघायला मिळत आहे. संसद भवनाबाहेर सत्ताधारी आणि विरोधी पक्ष आमनेसामने आलेले असतानाच याच अनुषंगाने पंतप्रधान नरेंद्र मोदी यांनी खासदार सारंगी यांना फोन केला आहे. फोनवरून पंतप्रधान मोदी यांनी सारंगी यांच्या प्रकृतीची चौकशी केली असल्याचं सांगण्यात येत आहे.

खासदार प्रतापचंद्र सारंगी यांनी आज राहुल गांधी यांच्यावर धक्काबुक्की केल्याचा आरोप केला होता. डॉ. बाबासाहेब आंबेडकरांचा अपमान अमित शाह यांनी केला असल्याचं म्हणत आज विरोधी पक्षाकडून आंदोलन करण्यात येत आहे. संसद भवनाबाहेर सुरू असलेल्या आंदोलनाच्यावेळी काँग्रेस नेते राहुल गांधी यांनी धक्काबुक्की केल्याने दुखपत झाल्याचा आरोप सारंगी यांनी केला. त्यांनंतर आता पंतप्रधान मोदी यांनी याच खासदार सारंगी यांना फोन करून त्यांच्या प्रकृतीची चौकशी केल्याचं समजत आहे. झालेल्या सर्व प्रकारची माहिती देखील यावेळी मोदींनी सारंगी यांच्याकडून घेतली आहे.