जगातील सर्वात उंच रेल्वेपूल जम्मू काश्मीरमध्ये तयार करण्यात आला आहे. पंतप्रधान नरेंद्र मोदी यांनी जगातील सर्वात उंच असलेल्या या चिनाब पुलाचे आज उद्घाटन केले आहे. हा रेल्वे पूल झाल्यामुळे देशाच्या विकासातील एक मोठा क्षण मानला जात आहे. या चिनाब नदीवर पूल बांधने हे आव्हानात्मक होते. मात्र या आव्हानावर मात करत काही महिन्यांपूर्वी या पुलावरून रेल्वेची पहिली यशस्वी चाचणी पार पडली होती. त्यानंतर आज पंतप्रधान नरेंद्र मोदी यांच्या हस्ते चिनाब पुलाचे उद्घाटन करण्यात आले. या पुलाचे वैशिष्ट्य सांगायचे झाले तर हा पूल पॅरिसमधील आयफेल टॉवर पेक्षाही उंच आहे. तसेच या पुलाच्या बांधकामासाठी 22 वर्षे लागले असून या पूलासाठी 15 हजार कोटीपेक्षा जास्त खर्च करण्यात आला आहे.