पीएम किसान सन्मान निधी योजनेच्या २४ व्या हप्त्याची वाट पाहणाऱ्या शेतकऱ्यांसाठी आनंदाची बातमी आहे. या योजनेच्या २४ व्या हप्त्याची तारीख जाहीर करण्यात आली आहे. ३० ऑक्टोबर २०२६ रोजी पात्र शेतकऱ्यांच्या बँक खात्यात प्रत्येकी २००० रुपये जमा होणार आहेत. दिवाळीपूर्वी हप्ता मिळणार असल्याने शेतकऱ्यांना आर्थिक मदत मिळणार आहे. मात्र, हप्त्याची रक्कम मिळण्यासाठी ई-केवायसी पूर्ण असणे आणि लाभार्थी स्थिती तपासणे महत्त्वाचे आहे.

पीएम किसान योजनेच्या २४ व्या हप्त्याची अधिकृत तारीख पीएम किसान योजनेच्या अधिकृत वेबसाइटवर आणि सोशल मीडियावर जाहीर करण्यात आली. ही माहिती योजनेच्या अधिकृत सोशल मीडिया हँडलवरही शेअर करण्यात आली. या पोस्टमध्ये असे लिहिले आहे की, 'तारीख लक्षात ठेवा! पीएम-किसानचा २४ वा हप्ता ३० ऑक्टोबर २०२६ रोजी वितरित केला जाईल, जो आमच्या शेतकऱ्यांना निरंतर आर्थिक सहाय्य प्रदान करून त्यांना सक्षम करेल.' पात्र शेतकऱ्यांना या दिवशी त्यांच्या बँक खात्यात प्रत्येकी २,००० रुपये मिळतील.