राष्ट्रवादी काँग्रेसच्या अध्यक्षपदी प्रफुल्ल पटेल यांची नियुक्ती केल्याचं वक्तव्य केल्यानंतर राजकीय वर्तुळात खळबळ उडाली. त्यानंतर भाजप नेते आणि केंद्रीय मंत्री पियुष गोयल यांनी दिलगिरी व्यक्त केली. मला चुकीची माहिती दिली गेली. माहितीची पडताळणी न करता माध्यमांसमोर काही विधानं केली. त्यामुळं दिशाभूल झाल्यानं दिलगिरी व्यक्त करतो, असं गोयल म्हणाले.

एक्सवरील पोस्टमध्ये काय म्हणाले गोयल?

प्रफुल्ल पटेलांच्या नियुक्तीबाबत मला चुकीची माहिती दिली. त्याची पडताळणी न करताच मी माध्यमांकडे काही विधाने केली. ही माहिती चुकीची असल्याचं मला समजलं. राष्ट्रवादी काँग्रेस सुनेत्रा पवार यांच्याच नेतृत्वात काम करत आहे. दिशाभूल करणाऱ्या माहितीबद्दल मी दिलगिरी व्यक्त करतो, असे गोयल यांनी पोस्टमध्ये नमूद केले.