पिंपरी-चिंचवडमध्ये आज सकाळपासून पावसाने अक्षरशः हाहाकार माजवला आहे. अवघ्या काही मिनिटांच्या जोरदार सरींनी शहरातील अनेक भाग जलमय केले. विशेषतः हिंजवडी आयटी पार्कचं वॉटर पार्कमध्ये रूपांतर झाल्याचं चित्र दिसून आलं. पिंपरी-चिंचवड शहरातील हिंजवडी आयटी हब, जिथे हजारो लोक रोज कामासाठी येतात, तिथे आज सकाळी पडलेल्या मुसळधार पावसामुळे अक्षरशः पूरसदृश परिस्थिती निर्माण झाली.

पिंपरी चिंचवडच्या हिंजवडी आयटी पार्कचं रूपांतर वॉटर पार्कमध्ये रूपांतरित झालं आहे. काही ठिकाणी तर इतकं पाणी साचलं की दुचाकी वाहने थेट पाण्यात वाहून गेली. तसेच काही वाहनं अर्धी बुडाली.

पावसाळ्यापूर्वी न झालेली ड्रेनेज लाईन आणि नालेसफाईमुळे ही परिस्थिती उद्धभवली असल्याचं नागरिकांचा आरोप आहे. मुसळधार पावसामुळे हिंजवडीतील आयटी पार्क परिसर हा "वॉटर पार्क हिंजवडी" बनला की काय, अशी म्हणण्याची वेळ आली आहे.