पुणे (पिंपरी-चिंचवड) : जमिनीचा ताबा घेण्यासाठी आलेल्या एका टोळक्याने शेतकरी कुटुंबीयाला चक्क बंदुकीचा भाग दाखवला आहे. ही धक्कादायक घटना हिंजवडी पोलीस स्टेशन हद्दीतील कासरसाई भागात घडली आहे. या प्रकारचा व्हिडीओ देखील समोर आला असून या प्रकारामुळे परिसरातील शेतकरी दहशतीखाली आहेत.

पिंपरी चिंचवडच्या कासारसाई भागात काही शेतकऱ्यांची जमीन आहे. जमिनीवर ऍड. संदीप भोईर हे आपल्या साथीदारांसोबत आले असता त्या ठिकाणी तेथील स्थानिक शेतकऱ्यांनी संदीप भोईर आणि त्यांच्यासोबत असलेल्या टोळक्याला येण्यास तीव्र विरोध दर्शवला होता. त्यामुळे संतापलेल्या संदीप भोईर यांनी चक्क आपल्या जवळ असलेल्या बंदुकीने शेतकरी कुटुंबीयांना बंदुकीचा धाक दाखवला आहे. यामुळे शेतकरी कुटुंब भयभीत झालं आहे.