पिंपरी चिंचवड शहरातील संत तुकाराम नगर या या ठिकाणी अँथनी कॉलनी मधून रस्त्याने स्टोन सँड घेऊन जात असलेला एक डंपर ट्रक अचानक पलटी झाला आहे. रस्त्यावर असलेल्या ड्रेनेज चेंबर डंपर ट्रकच भार पेलू न शकल्याने डंपर ट्रक भर रस्त्यात अचानक पलटी झाला आहे. डंपर ट्रक रस्त्यावर पलटी होत असताना त्या ट्रकच्या खाली काही दुचाकी वाहन दाबली गेली आहेत. तर तिथे दुचाकीवरून जात असलेल्या एका व्यक्तीचे प्राण थोडक्यात बचावले आहेत. डंपर ट्रक पलटी होत असतानाची दृश्य सीसीटीव्ही कॅमेरामध्ये कैद झाली आहेत. मात्र फक्त ठेकेदार आणि राजकीय नेत्यांचे हित जोपासणाऱ्या पिंपरी चिंचवड महापालिकेने बांधलेले रस्ते आणि ड्रेनेज लाईन चेंबर किती निकृष्ट आहेत हे निदर्शनास येत आहे. या प्रकरणाचा अधिक तपास पोलीस करत आहे.