पुण्यात सलग चौथ्या दिवशी महिलेवर अत्त्याचाराची घटना घडली आहे. त्यामुळे सुसंस्कृत समजल्या जाणाऱ्या पुण्यात पोलीसांचा धाक उरलेला नसल्याचं दिसून येत आहे. सातत्याने अत्त्याचाराच्या घटनेत वाढ होत असल्याने नागरिकांतून संताप व्यक्त केला जात आहे. पुण्याच्या वारजे माळवाडी परिसरात एका महिलेच्या घरात घुसून 50 वर्षीय इसमाने अत्त्याचार केला आहे. या घटनेनंतर महिलेने वारजे पोलीस ठाण्यात धाव घेतली. महिलेच्या तक्रारीवरून या नरधमावर वारजे पोलीसांनी गुन्हा दाखल केला आहे.

ही या आठवड्यातली चौथी अत्त्याचाराची घटना आहे. गेल्या चार दिवसांपासून पुण्यात सलग महिलांवर वेगवेगळ्या ठिकाणी अत्त्याचार झाले आहेत. या प्रकरणांतील आरोपींना पकडण्यात अद्यापही पोलिसांना यश आलेलं नाही. त्यातच आता आणखीन एक घटना समोर आली आहे. वारजे माळवाडी परिसरात थेट महिलेच्या घरात घुसून एका 50 वर्षीय नराधमाने या महिलेवर अत्त्याचार केला आहे. त्यानंतर या प्रकरणी गुन्हा दाखल करण्यात आला आहे.