शिंदे सरकारने आषाढी एकादशीनिमित्त राज्यातील दिंड्यांना प्रत्येकी 20 हजार रुपये देण्याचा निर्णय घेतला.यावरून ठाकरे गटाचे खासदार संजय राऊतांनी एकनाथ शिंदे यांच्यावर निशाणा साधला. दिंडीला पैसे देऊन वारकरी खरेदी प्रकार मुख्यमंत्री शिंदेंनी सुरू केलाय, अशी टीका संजय राऊत यांनी केलीय. वारकरी हे महाराष्ट्राचे संस्कृती आणि संस्कार आहेत,असं संजय राऊत म्हणालेत. वारकरी महाराष्ट्रातील संस्कृती विसरणार नाहीत. त्यामुळे वारकऱ्यांनी पैसे घेऊ नयेत. राज्य सरकारने क्रिकेटचे संघ आणि मंडळांना पैसे देऊन विकत घेतले. आता ते वारकऱ्यांना विकत घेण्याचा प्रयत्न करत आहेत,असं संजय राऊत म्हणालेत.