अजित पवार यांचे पुत्र पार्थ पवार हे गुरूवारी राज्यसभेसाठी उमेदवारी अर्ज दाखल करणार आहेत. या महत्त्वाच्या प्रसंगी त्यांच्यासोबत त्यांच्या मातोश्री आणि राज्याच्या उपमुख्यमंत्री तसेच राष्ट्रवादी काँग्रेसच्या नेत्या सुनेत्रा पवार यादेखील उपस्थित राहणार आहेत. पार्थ पवार यांच्या या उमेदवारीमुळे राजकीय वर्तुळात आता चर्चांना उधाण आले आहे.

राज्यसभेच्या ३७ जागांपैकी महाराष्ट्रात सात जागा आहेत. त्यामधील एक जागा राष्ट्रवादी काँग्रेसच्या वाट्याला आलेली आहे. अजित पवार यांच्या राष्ट्रवादी काँग्रेसकडून पार्थ पवार यांना राज्यसभेची उमेदवारी जाहीर केली आहे. राष्ट्रवादी काँग्रेसच्या आमदारांचे संख्याबळ पाहता पार्थ पवार यांची राज्यसभेवर निवड निश्चित मानली जात आहे.