परभणी शहरातील डॉ. बाबासाहेब आंबेडकर यांच्या पुतळ्यासमोर ठेवण्यात आलेल्या संविधानाच्या प्रतिकृतीची एका जनाने विटंबना केल्याने आंबेडकरी अनुयायी संतप्त झाले असून आज परभणी जिल्हा बंदची हाक देण्यात आली आहे.परभणी शहरातील जिंतूर रोडवर रस्तारोको करण्यात आलायतर दरम्यान आंबेडकरी जनता रस्तावर येत परभणी शहरातील आंबेडकर पुतळा परिसरामध्ये तोडफोड करण्यात आली असून पोलिसांशी मोठी कुमक मागवण्यात आली आहे पोलीस परिस्थिवर नियंत्रण मिळवत आहेत.

परभणी शहरातील रेल्वे स्टेशन रोडवर बाहेर ठेवलेले पाईप तीन ठिकाणी पेटवून देण्यात आले आहेत. त्यामुळे या भागातील वीज बंद करण्यात आली आहे. पोलिसांकडून अश्रू धुराच्या नळकांड्या फोडण्यात येत आहेत. यावेळी जमावाकडून पोलिसांवर दगडफेक करण्यात आली. त्यानंतर जमावाचा आक्रमकपणा बघून पोलीस मागे फिरले आहेत. शहरातील सात ठिकाणी जाळपोळच्या घटना घडल्या आहेत.