नाशिक येथील देवळाली कॅम्प येथे लष्करी जवनांच पराशूट कोसळल्याची घटना घडली आहे. या घटनेमुळे एकच खळबळ उडाली असून काहीकाळ नागरिकांमध्ये भीतीचे वातावरण पसरले होते. याबाबत अधिक माहिती अशी की, नाशिक येथील असलेले आर्टीलरी सेंटर हे देशातील सर्वात मोठे आर्मी सेंटर आहे. याच ठिकाणी एक जवान सराव करत होता, याच वेळी हे त्याचे पराशूटवरचे नियंत्रण सुटले आणि देवळाली परिसरातील एका घरावर कोसळल. या अपघातात जवान जखमी झाला असून त्याला उपचारासाठी लष्कराच्या रुग्णालयात दाखल करण्यात आले आहे. या दुर्घटनेची माहिती मिळताच भारतीय सैन्य दलातील वरिष्ठ अधिकारी आणि जवान तत्काळ घटनास्थळी दाखल झाले. त्यांनी अपघातग्रस्त जवानाला सुखरूपपणे बाहेर काढल आहे. या घटनेत संबधित जवान जखमी झाला आहे.