मुंबईत मराठी अमराठीचा वाद सातत्याने बघायला मिळत आहे. परप्रांतीय अमराठी माणसांकडून मराठी माणसांवर आणि मराठी भाषेवर अन्याय होत असल्याचे प्रकार वाढले आहेत. असाच एक प्रकार पनवेलमध्ये बघायला मिळाला आहे. पनवेलमधील भोकरपाडा भागातील हिरानंदानी सोसायटीमध्ये परप्रांतीयांची दादागिरी बघायला मिळाली आहे. हिरानंदानी सोसायटीत भाड्याने राहणाऱ्या मराठ गायकवाड कुटुंबावर सोसायटीच्या अध्यक्ष वसुंधरा शर्मा दबाव टाकत होत्या. दुसरं घर मिळेपर्यंत गायकवाड कुटुंबाला घरमालकाने राहायची परवानगी दिलेली असतानाही वसुंधरा शर्मा यांच्याकडून घर खाली करण्याबद्दल दबाव आणला जात आहे. या प्रकारानंतर गायकवाड कुटुंबाने मनसेकडे तक्रार केली. प्रकरणाची माहिती मिळताच मनसे कार्यकर्त्यांनी वसुंधरा शर्मा यांना गायकवाड कुटुंबाची माफी मागायला लावली आहे.