राज्यात यंदा दुष्काळी परिस्थिती निर्माण झाली असून, त्याचा फटका शेतकरी आणि ग्रामीण भागाला बसत आहे. या पार्श्वभूमीवर सावरगाव घाट येथील भगवान भक्ती गडावर होणाऱ्या दसरा मेळाव्यात मंत्री पंकजा मुंडे दुष्काळाच्या परिस्थितीवर भाष्य केलं ‘माझ्या लोकांसाठी पाऊस पाड बाबा’, अशी प्रार्थना भगवान बाबांकडे करणार असल्याचं त्यांनी सांगितलं. मागच्यावेळी ज्याप्रमाणे दुष्काळात शेतकऱ्यांना साथ दिली, त्याचप्रमाणे यावेळी साथ देईन, असं वचन पंकजा मुंडे यांनी दिलं. त्याचवेळी त्यांनी जातीचं राजकारण करणाऱ्यांना टोला देखील लगावला. दुष्काळाच्या मुद्द्यावरून बोलताना पंकजा मुंडे यांनी अप्रत्यक्षपणे मनोज जरांगे पाटील यांना टोला लगावला. यावर्षाचा दुष्काळ खूप भयानक आहे. परंतु ज्याप्रमाणे आपण मागील दुष्काळ हा हाताळला त्याप्रमाणे यावेळीही दुष्काळ हाताळू. मागील काळात शेतकऱ्यांचा पाणी प्रश्न मिटवला. जनावऱ्यांसाठी छावण्या लावल्या. पीक विमा मिळाला. त्याच प्रमाणे आपण शेतकऱ्यांच्या पाठीशी उभे राहवू.