काल वर्षामधील सर्वात मोठे चंद्रग्रहण होते. शास्त्रानुसार ग्रहणकाळात देवळांचे दरवाजे बंद ठेवले जातात आणि ग्रहण संपल्यानंतर विशेष धार्मिक विधि पार पाडले जातात. त्यानुसार पंढरपूरच्या विठ्ठल रुक्मिणी मंदिरातही मध्यरात्री ग्रहण संपल्यानंतर विशेष स्नान विधी पार पडले. रात्री सुमारे दीडच्या सुमारास चंद्रग्रहणाची समाप्ती झाली. त्यानंतर मंदिर समितीच्या पुजाऱ्यांनी चंद्रभागा नदीपात्रातून पवित्र पाणी आणून विठ्ठल-रुक्मिणी मातेला स्नान घातले. स्नानानंतर देवतेला नवीन वस्त्रप्रावरण परिधान केले. ग्रहणानंतर झालेल्या या विधीमुळे मंदिर परिसरात भक्तीमय वातावरण निर्माण झाले. भक्तांमध्येही या पारंपरिक विधीबद्दल मोठ्या प्रमाणावर उत्सुकता दिसून आली.