नाताळ आणि वर्षा अखेरमुळे पंढरपुरात भाविकांची आणि पर्यटकांची मोठी गर्दी झाली आहे. भाविकांच्या गर्दीने मंदिर परिसर फुलून गेला आहे. भाविकांची गर्दी वाढल्याने पंढरपुरातील मठ, मंदिरे आणि हाॅटेल फुल्ल झाले आहेत. विठ्ठल रुक्मिणी दर्शनाची रांग मंदिरापासून दोन किलोमीटर अंतरापर्यंत गेली असल्याचं बघायला मिळत आहे. मुख दर्शनासाठी देखील भाविकांची मोठी गर्दी झाली आहे. पुढील 8 ते 15 दिवस ही गर्दी कायम राहील असा अंदाज मंदिर प्रशासनाने वर्तवला आहे. गर्दी वाढल्याने याठिकाणी पर्यटकांवर अवलंबून असलेल्या व्यवसायांचा देखील फायदा होत आहे. त्यामुळे पंढरपुरातील आर्थिक उलाढाल देखील वाढली आहे.