पंढरपूर : धनगर समाजाच्या आंदोलकांनी समाजाचा समावेश अनुसूचित जमातीत करण्यासाठी आक्रमक भूमिका घेतली आहे. धनगर समाजाच्या आंदोलकांनी पंढरपूरमध्ये उपोषणाला सुरुवात केली आहे. पंढरपूरमधील उपोषणस्थळी आंदोलक संजय चौगुले यांनी उपोषण ठिकाणी विष पिऊन आत्महत्या करण्याचा प्रयत्न केला आहे. यापूर्वी अमोल देवकाते यांनी विष पिऊन आत्महत्या करण्याचा प्रयत्न केला होता. त्यानंतर आता पुन्हा एकदा एका आंदोलकाने आत्महत्या करण्याचा प्रयत्न केला आहे.

धनगर आरक्षण आंदोलक अमोल देवकाते यांनी विष पिऊन आत्महत्या केली होती. त्यानंतर आज संजय चौगुले यांनी विष पिऊन आत्महत्या करण्याचा प्रयत्न केला आहे. चौगुले यांना तातडीने उपचारासाठी रुग्णालयात दाखल करण्यात आलं आहे. पंढरपूरमध्ये राज्यव्यापी आमरण उपोषण आठवा दिवस असताना ईश्वर वाटर येथील संजय चौगुले यांनी उपोषण ठिकाणी विष प्राशन केले. संजय चौगुले यांनी विष प्यायल्यानंतर उपोषणस्थळी एकच खळबळ उडाली.