आषाढी एकादशीच्या पाश्वभूमीवर संपूर्ण पंढरपूर नगरी भक्तीमय वातावरणात न्हालेली आहे. विशेषतः विठ्ठल-रुक्मिणी मंदिरावर करण्यात आलेली आकर्षक विद्युत रोषणाई भाविकांचे लक्ष वेधून घेत आहे. मंदिर परिसर दिव्यांच्या झगमगाटाने उजळून निघाला असून, सर्वत्र भक्तिरसाचं वातावरण निर्माण झालं आहे.वारीच्या स्वागतासाठी संपूर्ण परिसर आकर्षक विद्युत दिव्यांनी सजवण्यात आला आहे.

रंगीबेरंगी एलईडी लाइट्स, झगमगणाऱ्या कमानी आणि विविध धार्मिक आकृतींनी सजवलेली रचना, यामुळे संध्याकाळी मंदिर परिसर एक वेगळाच देखावा साकारतो आहे.दरवर्षीप्रमाणे यंदाही लाखो वारकरी विठुरायाच्या दर्शनासाठी पंढरपूरमध्ये दाखल होत आहेत. या झगमगत्या वातावरणात वारी आणि आषाढी एकादशीच्या पार्श्वभूमीवर उजळलेले हे प्रकाशमय दृश्य भाविकांच्या मनात एक अविस्मरणीय अनुभव निर्माण करत आहे.