कानातील एअरफोनमुळे ट्रेनचा आवाज न आल्याने ट्रेनच्या धडकेत एका विद्यार्थिनीचा जागीच मृत्यू झाल्याची घटना पालघरच्या सफाळे रेल्वे स्थानकात घडली आहे. माकने गावातील वैष्णवी रावल या विद्यार्थिनीला राजधानी एक्सप्रेसने धडक दिल्याने जागीच मृत्यू झाला. वैष्णवी रावल असं या विद्यार्थिनीचं नाव असून ती माकने गावातील रहिवासी आहे.

पश्चिम रेल्वेच्या सफाळे रेल्वे स्थानकात रेल्वे रूळ ओलांडताना ट्रेनच्या धडकेत विद्यार्थिनीचा मृत्यू झाल्याची घटना गुरुवारी घडली. माकणी गावातील वैष्णवी रावल (१६) हीने कानात एअरफोन घातल्यामुळे गुजरातकडे जाणाऱ्या राजधानी एक्सप्रेसच्या धडकेत विद्यार्थीचा मृत्यू झाला. ती इयत्ता दहावीमध्ये शिकत होती. पूर्व पश्चिम भागात जाण्यासाठी रेल्वे फाटका जवळ पादचारी पुल नसल्याने विद्यार्थीनीचा जीव गेला. यासाठी रेल्वे प्रशासनाने पश्चिमेकडील येण्या-जाण्यासाठी रेल्वे फाटकात पादचारी पुल बांधावा यासाठी माकणे ग्रामस्थ आक्रमक झाले होते.