जम्मू काश्मीर येथील पहलगाम येथे 22 एप्रिल रोजी पाकिस्तानच्या दहशतवाद्यांनी भारतीय पर्यटकांना धर्म विचारून गोळीबार करत त्यांची हत्या करण्यात आली. यानंतर देशवासीयांचे रक्त खवळले होते. पंतप्रधान नरेंद्र मोदी यांनी देखील त्यांचा सौदी अरेबियाचा दौरा अर्धवट सोडत भारतात परतले होते. हल्ल्याच्या पार्श्वभूमीवर पीएम मोदी यांनी तीनही सैन्यदलांचे बैठकीचे सत्र चालवत अचानक 7 मे च्या रात्री ऑपरेशन सिंदूर राबवत पाकिस्तानच्या शंभर दहशतवाद्यांना ठार मारले आणि त्यांचे 9 तळ उद्ध्वस्त केले.

मात्र, यानंतर पाकिस्तानने अनेक खोटे दावे केले आणि तेथील जनतेला खोटी माहिती दिली. आता मात्र तेथील पत्रकारानेच घटनास्थळी जात भारताने जमीनदोस्त केलेले ठिकाण दाखवले आणि पाकिस्तान सरकारची पोलखोल केली. दृश्यांमध्ये आपण जर बघितले तर लष्कर ए तोयबाची मस्जीद जिथे दहशतवाद्यांना प्रशिक्षण दिले जायचे तिचा पूर्णपणे नायनाट केला आहे.